Teknar upp grindurnar í miðhúsinu í dag, mokað út og gengið frá öllu aftur. Líka klárað að moka út, undan grindunum í hlöðunni (þar sem smálömbin og hrútarnir verða) og gengið frá. Núna er bara syðsta húsið eftir. Þá erum við klár í að taka á móti vetrinum
Damian er búinn að vera hjá hrútunum í dag og í gær. Hann byrjar á því að setjast í króna og þá koma þeir til hans. Þeir elska það að fá klapp. Hamar sofnaði hjá honum. Ég held að Damian sé búinn að vera hjá þeim í allan dag og allan gærdag
Damian og Hamar
Yfirlitsflug í dag og einni bjargað
Lömbin sem fæddust í september. Þau eru spræk
Ég sá eina afvelta á yfirlitsfluginu í dag
Við náðum að bjarga henni
Snjólínan að síga niður
Molinn kveður
