Góðan dag hér !

Hér er nú allt gott að frétta síðan síðast. Sauðburði lokið 24. maí. Það fæddust 83 lömb, 75 á lífi.  46 gimbrar og 41 á lífi,  37 hrútar og 34 á lífi, semsagt 5 gimbrar og 3 hrútar fóru yfir móðuna miklu.

Nú er ég búin að taka sumaröskrið mitt, ÞVÍ ÉG ER KOMIN Í ÞRIGGJA VIKNA FRÍ. Nú er það bara að eyða tímanum í Lyngbrekku og bera á viðinn og mála. Ég er nefnilega ein á þessu heimili komin í frí. Þórhallur fær náttúrulega ekkert frí, og Þórður kemst ekki í frí fyrr en eftir tvær vikur, þannig að ég verð ein að dunda mér í Lyngbrekku á daginn. Ég fæ svo elskuna mína, hann Þórð, seinnipartana til mín.

Við fórum í Lyngbrekku í gær og við fengum óvænta heimsókn þangað, já þessi kanína kom í heimsókn.


Molinn kveður.

Halló !!!

Jæja nú er fríið mitt búið og vinnan tekin við að nýju. Hefði nú viljað vera í fríi þessa viku líka.

Sauðburður er að verða búinn á Rauðalæk. Bara tvær eftir að bera. Þetta er búið að vera alveg hreint frábært að geta verið á staðnum þegar lömbin fæðast. Ég get líkt sauðburði við jólin. Þegar verið er að taka upp pakkana, eru litlu krakkarnir spenntir að vita hvað er í þeim. Eins er það með mig, að sjá hvað kemur úr hverri kind. Hvað mörg lömb og hvernig þau eru á litin. Þetta er skemmtilegri tími en allt annað. Við Guðrún Helga og Dagur Árni fengum að gista þarna í viku. Mig langar að þakka Ogga, Áslaugu, Sumarliða og Stefaníu alveg kærlega fyrir okkur. Þetta var tær snilld.
Það eru fædd 81 lömb, en við mistum 8 af þeirri tölu þannig að það eru 73 á lífi. Svo eiga tvær eftir að bera.
Ég er búin að setja inn nokkur albúm frá þessum skemmtilega tíma, og á eftir að setja inn fleiri.

Molinn kveður.