Jæja enn er ég á lífi. Ég er bara eitthvað svo löt að skrifa hér inn.
Hnéð er enn að stríða mér. Er ennþá bólgin, og nú er komin ný bólga og hún er framan á hnéskelinni. Veit ekki alveg hvað er í gangi.
Við Þórður erum að fara á morgun, með góðu fólki, í rútu á Snæfellsnesið. Við erum að fara að skoða hrútakaup. Vonandi finnum við sv.flekkóttan kollóttan hrút sem hægt væri að nota á kollóttu kindurnar okkar.
Smíðin hjá okkur á Djúpárbakka gengur bara vel. Simmi og Helga eru búin að vera að hjálpa okkur að smíða. Já og pabbi og Árdís rifu það gamla sem fyrir var svo hægt væri að byrja að smíða.
Árdís var hjá okkur í ca. 10 daga. Hún kom til að vera við jarðaförina Hauks. Hún var líka í réttunum, og það fannst henni ekki leiðinlegt.
Við erum búin að fá litla hænuunga. Þeir komu úr eggjunum 11-15 sept. Þeir eru svo fljótir að stækka. Maður sér mun á þeim á hverjum degi.
Ég er að setja inn myndir, því ég hef ekki gert mikið af því lengi.
Ég er að hugsa um að hafa svo eitt albúm af smíðinni á Djúpárbakka og annað af ungunum.


Molinn kveður.

Góðan dag hér, eftir langt hlé.
Æi maður er búinn að vera hálf dofinn síðustu daga, og er enn. Tengdapabbi dó laugardaginn 4. september, og var þá búinn að vera mjög veikur í hálfan mánuð. Jarðarförin var í gær.
Blessuð sé minning þín elsku Haukur minn.

Það eru búnar að vera göngur og réttir hjá okkur, og við Þórður erum búin að kollheimta, ásamt Simma, Siggu og Hauk, og Guðmundi. Rauðalækjarbúinu vantar 8 fullorðnar og 8 lömb. Þau koma líklegast næstu helgi í öðrum göngum.

Molinn kveður.