Nonni litli ánægður

15.05.2019 20:15

50 ær eftir

Rétt um 50 ær eftir að bera emoticon

Sauðburður verður nánast búinn eftir næstu helgi

Bara einn gemlingur eftir af þessum 50

Molinn kveður

Skrifað af Birgittu

14.05.2019 19:57

Ömmugull í heimsókn

Þessi risi er dagsgamall. Hann var vigtaður og reyndist rúm 7 kg. Hann er undan Þilju. Hún var einlembd og við vöndum undir hana tvílembings gemlingslamb. Það er svakalegur stærðarmunur á þeim

Þessi gullmoli er alltaf að koma okkur á óvart og kemur með pitsu í fjárhúsin. Hann kom í heimsókn með vin sinn

Þeir eru að hjálpa afa við að marka

Og eru alveg hissa á því að það þarf að setja merki í eyrað og líka klippa í það

Vinirnir með Týra

Þeir fóru og gáfu kindunum brauð

Og léku sér úti í góða veðrinu

Ömmugull með Týra vini sínum

Verið að marka

Gamla sátt

Ég tók smá drónaflug í morgun

Fossinn hér fyrir ofan

Kindurnar dreifðar um túnin

Ég tók þessa mynd með drónanum

Molinn kveður

Skrifað af Birgittu

13.05.2019 19:34

Komin sumarblíða og fleiri lambær settar út

Fleiri lambær settar út í dag. Nú er að bresta á blíða

Það eru rétt um 60 ær eftir að bera. Þessum sauðburði fer að ljúka. Rétt byrjaður þegar hann er búinn

Næturnar mínar í fjárhúsunum eru orðnar 25

Molinn kveður

Skrifað af Birgittu

12.05.2019 19:10

Margar lambær komnar út

Systkinaást emoticon

Það hefur skánað veðrið. Nú eru kindurnar ánægðar

Nokkrar kindamyndir

Molinn kveður

Skrifað af Birgittu

11.05.2019 20:26

Vann í hjólahappdrætti

Í dag var verið að afhenda börnum, fæddum 2012, reiðhjólahjálma. Alexander var einn af þeim

Hann var meiri segja einn af tveimur sem dregin voru út og fengu hjól. Hér er hann að taka við hjólinu með bros á vör

Ánægður með hjólið emoticon

Það snjóaði í nótt. Ég vorkenndi kindunum sem voru komnar út hjá okkur. Þær svosem báru sig vel greyin

Vonandi verður veðrið gott eftir þetta skot

Veðrið orðið betra

Jæja snjórinn fór allur í dag og kindurnar ánægðar á beit

Milli 80 og 90 eftir að bera. Rúmlega 400 lömb lifandi

Molinn kveður

Skrifað af Birgittu

10.05.2019 19:43

100 kindur eftir að bera

Þetta litla lamb kom í heiminn í morgun. Móðirin (tvílembdur gemsi) var að láta. Þetta kom lifandi, en hitt dautt fóstur

Þetta lifði nú ekki lengi. Það lifði samt í hálfan sólahring. Það vantaði áreiðanlega marga daga upp á meðgönguna

Það var smá éljagangur annað slagið í dag. Ég held samt að það hafi ekki haft svo mikil áhrif á kindurnar. Þær fóru aðeins í skjól, en ekki lengi. Svo er að skella á blíða á sunnudaginn emoticon

Það eru rétt um 100 kindur eftir að bera. Nú verður þetta létt það sem eftir er. Það er búið að fara með kindur upp í refaskála. Nóg pláss í fjárhúsunum

Molinn kveður

Skrifað af Birgittu

09.05.2019 18:45

Komin 360 lömb

Kindurnar hafa það gott. Grænt gras og rúllur

Þær dreifa sér um túnið

Svo eru líka kindur þarna við þessi fjárhús

Vá hvað það er varasamt að fljúga drónanum út af þessum fuglum. Þeir ráðast á hann. Ég er pínu smeik við það

Simmi á heiðurinn að þessu. Hann er búinn að setja upp sjálfbrynningu fyrir allar þessar einstaklingsstíur. Þvílíkur vinnuléttir að þurfa ekki að bera vatnsfötur til og frá

Þetta er algjör snilld emoticon

Nú er sauðburður kominn á seinni hlutann. Hann verður búinn áður en maður veit af

Ég er búin að sofa/vaka 21 nætur í fjárhúsunum

Lömbin eru orðin 360

Molinn kveður

Skrifað af Birgittu

08.05.2019 21:55

Kindur úr refaskálanum settar út

Kindurnar úr tveim hólfum fóru út í dag. Þau eru orðin svo stór að það er gott fyrir þau að vera úti

Komin eitthvað yfir 300 lömb

Molinn kveður

Skrifað af Birgittu

07.05.2019 19:04

Smölun með drónanum

Það er að verða frekar erfitt fyrir þessa að liggja. Hún þarf að rísa upp á framlappirnar

Það fer vel um þær í refaskálanum

Lömbin stækka hratt

Mjög góð aðstæða

Smá drónaflug

Þessar ær hafa það líka fínt

Ég prufaði að smala með drónanum og það tókst

Komnar á stað

Þær áttu að fara í fjárhúshólfið

Og þær gerðu það. Þær venjast nú þessum dróna fljótt og eiga bara eftir að ulla á hann. Maður þarf hinsvegar að passa sig á fuglunum. Þeir gera bara árás á hann

Loksins er veðurstöðin á Möðruvöllum komin í lag. Hún er búin að vera biluð í nokkra daga

Molinn kveður

Skrifað af Birgittu