Flottur vinnumaður

15.01.2021 19:39

Skíði

Við drógum strákana á sitthvoru hjólinu. Ekki er nú mikill snjór

Þeir eru þarna upp við girðingu

Og renna sér niður

Nú er sá stutti búinn að brjóta ísinn. Hann var á báðum áttum að fara á skíði, en lét sig hafa það og þótti gaman. Nú er bara að fara í fjallið. Þar er meiri snjór

Molinn kveður

Skrifað af Birgittu

14.01.2021 17:53

Burðardagar

Það eru 3 sem bera fyrr en sauðburður skellur á. Það eru þessar sem heimtust 6. 7. og 22. desember. Við vitum að ein þeirra á að bera 28. apríl, því hún var að ganga 6. des. á Myrkárdal, þegar Simmi fór og fann þær. Hér koma burðar-dagarnir sem við náðum að skrá

28. apríl á 1 kind tal

04. maí eiga 13 kindur tal

05. maí eiga 4 kindur tal

06. maí eiga 13 kindur tal

07. maí eiga 9 kindur tal

08. maí eiga 19 kindur tal

09. maí eiga 18 kindur tal

10. maí eiga 20 kindur tal

11. maí eiga 27 kindur tal

12. maí eiga 14 kindur tal

13. maí eiga 15 kindur tal

14. maí eiga 20 kindur tal

15. maí eiga 13 kindur tal

16. maí eiga 7 kindur tal

17. maí eiga 17 kindur tal

18. maí eiga 14 kindur tal

19. maí eiga 10 kindur tal

20. maí eiga 2 kindur tal

21. maí eiga 2 kindur tal

22. maí eiga 2 kindur tal

27. maí á 1 kind tal

04. júní á 1 kind tal

05. júní á 1 kind tal

Við erum ekki með tal á 73 kindum, af þeim eru 8 gemlingar

Alls 316 stk

Það verður nóg að gera í vor emoticon

Molinn kveður

Skrifað af Birgittu

13.01.2021 18:57

Fjórir gullmolar

Tveir ömmu og afa gullmolar í heimsókn. Við fórum í Skíðaþjónustuna, til að skipta út skíðaskóm, því þeir hafa stækkað síðan í mars

Ég hélt að það væri búið að opna í fjallinu og við ætluðum að fara á skíði, en það verður ekki opnað fyrr en á föstudaginn. Við tókum þá bara á það ráð að skíða á túninu fyrir neðan íbúðarhúsin

Ég setti langan kaðal aftan í hjólið og keyrði hring eftir hring. Þeir héldu í kaðalinn og náðu að halda jafnvægi meðan ég keyrði. Þeir hafa engu gleymt frá því í mars. Meirisegja sá yngsti gat þetta emoticon

Nú er bara að bíða eftir að fjallið verði opnað emoticon

Að lokinni útiveru, þá fengu sér allir að borða kvöldmat emoticon

Molinn kveður

Skrifað af Birgittu

12.01.2021 17:13

Kalt og fallegt veður

Möðruvallakirkja í morgun

Að bíða eftir skólarútunni emoticon

Horft til Akureyrar í morgun emoticon

Systurnar Hýra og Höfn undan 14-140 Hríslu og 17-371 Krissa. Það hefur breyst hornalagið á þeim á einu ári

19-455 Hýra

19-456 Höfn

Molinn kveður

Skrifað af Birgittu

11.01.2021 16:53

Fallegt

Himininn var flottur í morgun eins og svo oft áður

16-571 Þyrill á vaktinni. Það er allt rólegt hjá hrútunum þessa dagana

19-597 Ótti og 18-593 Hamar að spjalla saman

Þær sleikja saltsteinana reglulega

Seinni parturinn í dag

Molinn kveður

Skrifað af Birgittu

10.01.2021 18:05

Jólasveinabrekkan

Búin með morgungjöf í morgun. Þarna er einn "massaður" vinnumaður emoticon

Við fórum í jólasveinabrekkuna í dag

Það voru margir að viðra börnin sín

Einn ömmu og afa gullmoli kom líka emoticon

Góðir vinir að leika sér saman í aparólunni emoticon

Molinn kveður

Skrifað af Birgittu

09.01.2021 15:49

Sluppum við vonda veðrið

Við sluppum alveg hér við þetta veður sem átti að koma. Það snjóaði aðeins en það varð ekki brjálað veður

Bara ágætisveður

Þegar maður nennir ekki í bæinn, til að fá sér seik, þá býr maður hann bara til sjálfur. Þessi er sko ekkert verri emoticon

20-493 Hjörný undan 15-195 Hörpu og 16-820 Vidda

20-520 Alfa undan 17-341 Akafíu og 19-600 Gunnsa

20-496 Fnjósk undan 17-376 Fóu og 16-820 Vidda

20-507 Logey undan 13-121 Ljúfu og 19-597 Ótta

20-498 Hrifla undan 14-140 Hríslu og 17-831 Amor

Molinn kveður

Skrifað af Birgittu

08.01.2021 18:27

Veturinn er mættur

Jæja, ætli veturinn sé nú loksins að mæta. Það er nánast ekkert búið að snjóa í vetur. Bara komið smá föl, en mikil rigning annað slagið

Það er að versna veðrið. Komið rok og snjókoma

Af 316 kindum, sem eiga að bera, erum við með fangdag á 243. Það eru þá 73 sem hafa ekki fangdag

Molinn kveður

Skrifað af Birgittu

07.01.2021 19:00

Jólin búin

Sjötti janúar í gær og þá tókum við öll jólaljós úr sambandi. Jólin eru búin hjá okkur í Möðruvöllum 3

Við erum búin að ganga frá öllu jóladóti og koma því á sinn stað

Stofan

Eldhúsgluggarnir

Ég er alltaf svo fegin þegar við erum búin að ganga frá jóladótinu emoticon

Molinn kveður

Skrifað af Birgittu

06.01.2021 20:25

Fjárhúslíf

Það er komið hornahlaup á gemlingana

Þessi er að biðja um góðgæti hjá mér

Gemlingar

Morgungjöf lokið

Molinn kveður

Skrifað af Birgittu

05.01.2021 20:19

Rútína

Að bíða eftir skólabílnum. Það er gott að vera í fríi, en það er líka gott að fá rútínuna aftur emoticon

Ein kirkjumynd emoticon

Molinn kveður

Skrifað af Birgittu

04.01.2021 20:36

Ótrúlegt veðurfar

Í morgun eftir morgungjöf. Það er með ólíkindum að það er enginn snjór og varla snjór í fjöllunum, 4. janúar

Við skruppum í bæinn í dag og ég varð að taka nokkrar myndir, á leiðinni heim, til að hafa í þessari dagbók að það hafi ekki verið neinn snjór á þessum árstíma. Alveg með ólíkindum

Já snjóleysi er það í dag

Molinn kveður

Skrifað af Birgittu

03.01.2021 21:00

Morgungjöf

Þær kunna að redda sér, þó að garðarnir séu lokaðir. Þær klifra bara upp á garðabandið

Nú eru allar ærnar fengnar, eða ég vona það. Það hefur ekki verið nein að ganga í nokkra daga

Molinn kveður

Skrifað af Birgittu