Við settum lambærnar út í morgun. Núna eru óbornu ærnar
inni og ær með yngstu lömbin
Þær voru ánægðar að komast út
Systkinalúr
Gemlingarnir voru líka ánægðir að komast út.
Þetta er 22-022 Skúta með gimbur undan 22-711 Flóna
22-019 Krukka með gimbrar undan Flóna
Nú eru 8 eftir að bera
Molinn kveður
Strákarnir á Möðruvöllum 3 að bíða eftir skólabílnum
Það er misjafnt uppeldið hjá kindunum. Sumar þeirra eru
með lömbin algjörlega hjá sér
En aðrar ráða ekkert við þau. Þau láta mömmurnar ekkert
segja sér að liggja kyrr, meðan þær borða
Það hefur ekki komið þetta vonda veður eins og spáð var.
Það kom smá hríð í morgun en ekkert meira. En það er frekar
kalt. Við ætlum að setja ærnar út á morgun
Það eru allar einstaklingsstíurnar fullar, núna þegar allar
ærnar eru inni. Við bjuggum til smá pláss í hlöðunni fyrir
nokkrar lambær
Fullur garðinn af lömbum
Það eru 13 ær eftir að bera
Komin 248 lömb, 111 hrútar og 137 gimbrar
Jæja nú er spáin ekki góð fyrir morgundaginn
Það á að snjóa
Óbornu ærnar
Við ákváðum að setja allt lambféð inn og hýsa það þar til á
þriðjudaginn, til öryggis ef veðrið verður vont
Þær hafa það nú gott þó þær þurfi að vera inni
Allt fullt inni í hlöðu
Þetta verður betra þegar veðrið er gengið yfir
Verið að sá í flagið. Robbi sá um það
20 ær eftir
233 lömb, 102 hrútar og 131 gimbrar
Við settum ærnar út í morgun, þær sem við settum út og
aftur inn í gær. Þær eru búnar að vera í góðu veðri í dag, en
svo fór að rigna seinnipartinn og við settum þær inn. Það á
að vera leiðinlegt veður á morgun og mánudaginn. Við
setjum ekkert meira út í bili
Það eru 23 ær eftir
Það eru komin 226 lömb, 98 hrútar og 128 gimbrar
Ég verð að fara að hvíla mig, því ekki gat ég það í nótt. Vonandi
bera þær ekki í nótt, en mega byrja strax kl. 7 í fyrramálið
Já ég verð að fá að sofa eitthvað
Systurnar bornar. Þetta er 22-018 Kópelía með hrút og gimbur
undan 22-711 Flóna
Og systir hennar 22-019 Krukka kom með þrjár gimbrar. Ein
þeirra kom dauð. Þær eru undan Flóna
Hrútur og gimbur undan 22-025 Moniku og Flóna
Hrútur og gimbur undan 22-021 Kotru og Flóna
Gimbur undan 21-001 París og 22-715 Vísi
Gimbur undan 20-493 Hjörní og Vísi
Gimbrar undan 16-298 Búbbu og 19-597 Ótta
15-619 Eyrún með tvær gimbrar og einn hrút undan 22-714
Ægi
Við vorum búin að setja þessi út, en settum þau inn aftur
þegar fór að rigna. Þau voru ánægð að komast inn
31 ær eftir að bera. Búið að vera rólegt í dag og það bar engin
í nótt. Ég náði að hvílast vel í nótt. Nú er spurning hvernig
næsta nótt verður
Enn fækkar í húsunum. 37 eftir að bera. Nú fer þetta að verða
viðráðanlegt, þá semsagt rólegra. Ég er ekki búin að sjá hvort
einhverjar hafa gengið upp. Ef ekki, þá líkur sauðburði 20. maí
Gott fyrir þær að fá að vera úti í þessu góða veðri. Það á nú
að kólna á sunnudaginn. Þá setjum við eitthvað af þeim inn
Enn er unnið í flaginu
Þeim fækkar ört. Þetta eru ærnar sem eftir eru að bera. Þær
eru 46. Við erum búin að vera alveg á haus í sauðburði. Nú
fer að hægjast á vinnunni og ég get sofið meira á nóttunni.
Ég svaf ekki mikið síðustu nótt, því það báru svo margar. Ég
ætla að fara að leggja mig
Þetta eru allar ærnar sem eftir eru að bera, eitthvað um 60.
Við erum búin að setja þær í tvær krær. Enn er þónokkur
vinna eftir í sauðburði.
Það eru komin 143 lömb. 68 hrútar og 75 gimbrar
18-409 Elíza með hrút og gimbur undan 17-861 Fjalla. Hún
bar í gær og fékk að fara út í dag. Hún var frekar ánægð með
það
Í dag, var byrjað að vinna stykkið sem við höfðum fyrir kálið.
Simmi er að plægja það
Simmi að plægja
Við settum fleiri lambær út í dag. Ég held að það séu komnar
eitthvað um 60 lambær út. Svakalega sem það léttir
sauðburðinn að geta sett svona út. Þær hafa það nú mjög gott
Það eru komin 119 lömb, 56 hrútar og 63 gimbrar
Forystu gimbur og hrútur undan 15-236 Hexíu og 17-861 Fjalla.
Nú er sauðburður á fullu og það eru komin 110 lömb. Ég
gleymdi að taka saman hvað ærnar, sem eru bornar, eru
margar. Tek það saman á morgun
Þessar systur liggja alltaf saman. Þær eru aðeins farnar að
venjast því þegar ég labba garðana og er að athuga hvort
einhver sé að bera. Þær eru undan 14-143 Kiðu og 21-703
Jalla. Þessi fremri er þrílembd og hin tvílembd
Við erum búin að vera í fjárhúsunum í allan dag. Litli stubbur
er búinn að gera svona fínt bú. Hann hefur sett vatn í "tjarnir"
Mikill dundari
Við elduðum í fjárhúsunum í dag. Hamborgari og franskar.
Allir ánægðir
Veðrið var æðislegt í dag
Mála steina og gera listaverk
Við fengum Hlyn verktaka í að bera áburð á túnin. Hann bar
á öll túnin hér heima, nema Nunnuhólsstykkið (nr. 1)
Það er búið að vera svo mikið að gera í sauðburði að ég er
ekki búin að taka saman stöðuna á lömbunum. Núna næstu
daga verður mikið að gera
Lambærnar sem fóru út í gær, en voru svo settar inn aftur,
fengu að fara aftur út í dag. Þær verða úti í nótt. Það er búið
að gefa þeim rúllu. Ég held að það fari vel um þær
Þær láta fara vel um sig þessar
Það eru komin 69 lömb
28 hrútar og 41 gimbrar
24 bornar. Komin 47 lömb. 20 hrútar og 27 gimbrar
Við settum nokkrar lambær út í dag
Þær voru úti í nokkra klukkutíma og voru svo settar aftur inn.
Lömbin léku sér. Veðrið í dag var mjög gott
Kl. 02:17 í nótt
Og kl. 5 í morgun
Mamman með dæturnar og allar sofa vært. 17-369 Babúska
með gimbrar undan 20-603 Sagosen
Þórður setti upp fuglahús, sem tengdamamma bjó til og gaf
okkur fyrir nokkrum árum. Hann var rétt búinn að setja það
upp, þegar þröstur bjó til hreiður í húsinu. Það verður gaman
að fylgjast með
Hreiðrið í húsinu
30 lömb. Sauðburður byrjar rólega. 15 bornar
4 einlembur, þar af einn gemlingur
4 þrílembur
7 tvílembur, þar af 3 gemlingar
Núna er 1 með eitt
1 með þrjú og 13 með tvö
Tunglið í gærkvöld
19-463 Linsa með tvær gimbrar og einn hrút undan 22-717
Vívalda
Hrútarnir settir út í dag. Þeir voru settir í hólfið við gömlu
fjárhúsin. Við settum líka smá gimbrarnar út, en þær fóru í
rjómahólfið. Við ákváðum að hafa þær ekki hjá hrútunum
til að losna við að fá lömb í göngunum í haust
Þeir voru bara rólegir
Tvær gimbrar og einn hrútur undan 17-328 Dyngju og 20-604
Grilli
Systkinakúr. Lömbin hennar Linsu
22 lömb
Nafn:
Farsími:
Tölvupóstfang:
Afmælisdagur:
Heimilisfang:
Staðsetning:
Um:
Einar Breki, kom í heiminn
atburður liðinn í
12 ár
11 mánuði
24 daga
Haukur Nói, kom í heiminn
10 ár
1 mánuð
27 daga
Birgitta Ósk, kom í heiminn
2 ár
7 mánuði
25 daga
Eldra efni
© 2024 123.is | Nýskrá 123.is síðu | Stjórnkerfi 123.is