Jæja takið eftir niðurtalningunni á síðunni minni. Akkúrat mánuður í sauðburð, sem þýðir að ég flyt í sveitina eftir TÆPAN mánuð, því ég held að sauðburður byrji 25. apríl. 

Þessi ætlar að vera, ásamt mömmu sinni, í sveitinni með ömmu sinni. Það verður gaman að hafa þau með í sauðburði. Ég er að springa úr spenningi yfir þessu öllu

Við Þórður fórum suður 21.mars, í skoðun, til læknisins sem gerði aðgerðina á okkur. Hann var mjög ánægður með, hvað við værum orðin góð eftir svona stuttan tíma. Við fengum semsagt mjög góða skoðun.

Það var páskabingó og vöfflukaffi, á Búgarði í gær, 26. mars. Það voru páskaegg í vinning. Anna Guðrún sló metið í bingóinu, því hún fékk bingó þrisvar í röð. ER ÞAÐ HÆGT ??

Þóroddur, Baldur Helgi, Hildur, Inga Hrönn, Guðmundur Helgi og Anna Guðrún. Þetta eru þau sem unnu í bingóinu. Svo fengu allir eitt lítið gullegg, með kaffinu. Þetta var skemmtileg stund með góðu fólki. Svona á vinnuandinn að vera.

Guðrún Helga og Einar Breki eru að koma á eftir, og ætla að vera hjá okkur um páskana. Ég hlakka svo til að fá litla gullið hingað. 

 

Molinn kveður.

 

 

Þá er það nú sísti flokkurinn. Þetta eru fullorðnar einlembur og geldar.

 

 09-015 Freyja. Einlembd

 

 10-025 Gíma. Einlembd

 

 10-030 Flekka. Einlembd. Synd að hún er einlembd. Hún skilaði tveimur góðum lömbum í fyrra

 

10-038 Kimba. Einlembd

 

11-042 Skessa. Synd að hún er einlembd

 

11-043 Ugla. Einlembd.

 

08-013 Þula. Hún hefur alltaf skilað mjög góðum lömbum, en nú er hún geld. Hún gekk 31. des. sem er mjög seint, og í fósturtalningu kom í ljós að hún væri geld. Hún gekk svo aftur 22. febrúar, þannig að líklegast er hún bara ónýt.

 

 11-049 Skriða. Hún gekk aldrei í fyrra og aldrei núna. Hún er ónýt

 

11-052 Fönn. Hún gekk 7. des,  2. febrúar og svo aftur núna 8. mars. Hún er líklegast ónýt.

 

 12-067 Dúfa. Hún er frá Helga og Röggu Möggu á Bægisá. Hún lét 14. febrúar. Þannig að hún er geld.

 

 12-093 Snædís. Hún er tvílembingur undan Mjöll. Í fósturtalningu var hún með eitt fóstur, sem var að drepast. Þannig að hún er geld.

 

Þá er þetta nú komið. Restin af gimbrunum eru með eitt, og restin af fullorðu kindunum eru með tvö. Ég læt þetta gott heita í bili.

 

Molinn kveður.

 

 

Nú koma myndir af tvílembdu gemlingunum.

 

12-063 Bryðja. Hún er tvílembingur, frá Önnu Guðrúnu og Arnari í Fornhaga

 

12-065 Þilja. Hún er tvílembingur, frá Önnu Guðrúnu og Arnari í Fornhaga

 

12-072 Eyja. Hún er tvílembingur, frá Hjarðarfelli, Snæfellsnesi.

 

12-074 Gletta. Hún er tvílembingur undan gemling, Brellu.

 

12-075 Fura. Hún er tvílembingur undan gemling, Perlu.

 

12-077 Hrafna. Tvílembingur undan gemling, Tjöru.

 

12-079 Filma. Hún er tvílembingur undan Flekku

 

 12-083 Rúpía. Hún er tvílembingur undan Módísi og faðirinn er Þristur sæðishrútur.

 

12-087 Slenja. Hún er fjórlembingur undan Brák.

 

12-091 Frigg. Hún er tvílembingur undan Grímu.

 

12-094 Þota. Hún er tvílembingur undan Mjöll. Þessi fótbrotnaði á afturfæti í vor, og það tókst mjög vel að gera við það.

 

12-086 Panda. Hún er þrílembd. Hún er tvílembingur undan Gullbrá.

 

 12-080 Gola. Hún var sónuð með þrju, en tvö voru að drepast. Hún er tvílembingur undan Zeldu, og faðirinn er Þristur sæðishrútur.

 

 

Þá eru þær komnar allar gimbrarnar, sem eru með fleiri en eitt. Ég á svo eftir að setja inn myndir af þeim sem eru geldar, og einlembdu fullorðnu kindunum.

Ég setti inn myndir frá deginum í gær

 

Molinn kveður.

 

 

Hér koma myndir af fullorðnu þrílembunum, ein fjórlemba flýtur með.

 

07-002 Módís. Loksins kom hún með þrjú. Ég er lengi búin að bíða eftir því. Hún hefur aldrei verið þrílembd.

 

07-006 Gullbrá. Hún hefur aldrei verið þrílembd.

 

08-012 Tabbý. Hún var þrílembd 2011. Kom þá með 3 gimbrar, og gekk með þær allar. Tvær voru settar á og heita Tanja og Tjara

 

09-019 Súla forystukind. Hún var þrílembd 2012. Hún átti tvo hrúta og eina gimbur. Hún gekk með tvö.

 

09-020 Drífa. Hún var þrílembd 2012. Hún átti tvær gimbrar og einn hrút. Hún gekk með þau öll. Gimbrarnar voru settar á og heita Melka og Purka

 

10-028 Brák. Hún kom þrílembd 2011 gemlingur. Hún átti tvær gimbrar og einn hrút. Öll lifðu. Hún gekk með tvö. Önnur gimbrin var sett á og heitir Mía. Hún kom svo fjórlembd 2012. Hún átti tvær gimbrar og tvo hrúta. Hún gekk með þrjú. Gimbrarnar voru settar á og heita Spjálk og Slenja. Nú voru talin þrjú í henni eins og í fyrra, en það verður spennandi að sjá hvort þau verði fjögur eins og þá.

 

10-035 Kreppa. Hún hefur ekki komið þrílembd.

 

10-037 Vör. Hún hefur ekki komið þrílembd

 

11-050 Þóra. Hún var einlembd í fyrra.

 

11-058 Ófeig. Hún var einlembd í fyrra, en gekk með tvö. Hún fóstraði gimbrina sem var skorin úr Lukku. Sú gimbur var sett á og heitir Dokka

 

11-060 Brella. Hún var tvílembd í fyrra. Hún átti hrút og gimbur. Gimbrin var sett á og heitir Gletta.

 

11-062 Mía. Hún gengur með fjögur. Hún er þrílembingur undan Brák, þegar Brák var gemlingur. Mía var tvílembd í fyrra. Hún átti tvo hrúta, en annar hrúturinn viltist undan.

 

Svo ætla ég að enda þetta með mynd af Þórði, þar sem hann er að smíða á fullu og ekki hægt að sjá á honum, að það hafi verið að saga í sundur bein á honum, já og fræsa úr beini líka. Að vísu ekki með þessari sög haha. Hann er búinn að ná miklum bata.

 

Þórður að saga með hægri hendinni. Það var sú sem var gerð aðgerð á fyrir 10 dögum

Ég ætla svo að setja inn myndir af tvílembdu gemlingunum, á morgun.

 

Molinn kveður.

Jæja loksins erum við komin með undirritaðan samning í hendurnar, sem inniheldur leigu á Möðruvallafjárhúsunum, hlöðunni, túnum og fjallshólfinu,  til 10 ára. Við erum alveg rosalega ánægð með það   

 

Molinn kveður.

Nú er ömmugullið mitt eins og hálfs árs í dag. Ég fæ að njóta hans um páskana. Þá ætlar hann að heimsækja ömmu og afa. Mikið hlakka ég til.

 

Einar Breki 18 mánaða

 

 

Einar Breki ömmugull.

 

Jæja nú er Aska greyið orðin ber. Ég lét raka hana núna, eins og í fyrra. Hún var að byrja í hárlosi, þannig að hárin fengu að fjúka. Guðrún Helga hvernig lýst þér á kisuna þína ??? Það er ekki gaman að þurfa að gera þetta, en það borgar sig samt. Maður losnar við að sjá hár útum allt. Hún jafnar sig fljótt á þessu litla greyið.

Heilsan hjá okkur Þórði er fín. Við erum farin að geta gefið kindunum, og þá er björninn unnin  

Við þurfum að fara suður í skoðun, í næstu viku, 21. mars. Læknirinn vildi að við kæmum til hans, í eftirskoðun. Vonandi verðum við ekki 10 tíma á leiðinni, eins og síðast.

 

Molinn kveður.

 

 

 

Þá er búið að flokka kindurnar eftir fósturtalningu.

Hér eru lamblausu gemlingarnir

 

Gemlingar með eitt

 

Svo eru hér gemlingar með tvö. Þessi flekkótta vinstramegin er með þrjú. Í þessum hóp eru líka tvær fullorðnar með tvö og ein veturgömul  með fjögur

 

Hér eru 3 lamblausar og 6 einlembur, fullorðnar, ásamt sauðnum

 

 Fullorðnar með tvö

 

Og svo eru þrílembur hér

 

Nú er hægt að mismuna kindunum, með fóðri.

Heilsan hjá okkur Þórði er fín. Þetta kemur allt með kalda vatninu.

 

Molinn kveður.

 

 

Við komum heim á fimmtudaginn, 7. mars. Það var gott veður og færi alla leið. Við vorum ekki eins lengi heim, og við vorum suður. Við vorum 10 tíma suður, og rúma 5 tíma heim. Við skiptumst á að keyra. Við fórum svo í vinnuna á föstudaginn. Það gekk alveg mjög vel. Við erum svo búin að vera í sveitinni í allan dag. Það er búið að skipta öllum krónum langsum. Svo flokkum við kindurnar á morgun.

 

Það er munur að hafa þetta svona.

 

 Það verður gaman að flokka á morgun þrílembur, og fl.

 

Molinn kveður.

 

 

Hjúin búin í aðgerðinni. Gekk mjög vel hjá okkur báðum. Okkur var úthlutað sitthvort rúmið hlið við hlið. Við fórum svo að klæða okkur úr fötunum, og í sloppa. Við vorum með dregið frá tjaldið á milli hjá okkur, og vorum bara að spjalla, þegar hjúkka kom og fékk nærri því áfall, að sjá okkur hálf nakin, og með dregið frá tjaldið á milli okkar. Hún reif í tjaldið og dróg fyrir og sagði er ekki betra að hafa dregið fyrir ? Ég sagði henni að það þyrfti nú ekki, þar sem við værum hjón, og sæjum hvort annað svona á hverjum degi. Þá hló hún bara og sagði haha þetta er snilld og dróg frá aftur. Það að við værum hjón í aðgerð saman, vakti mjög mikla athygli, því það voru að koma inn til okkar hjúkkur sem sögðu já eruð þið HJÓNIN og svo hlógu þær. En eins og ég sagði þá gekk þetta mjög vel. Það þurfti að fræsa úr beini hjá Þórði, þannig að sinarnar hefðu meira pláss. Svo var viðbeinsliðurinn orðinn skemmdur, þannig að hann var tekinn af. Líðan hjá Þórði er mjög fín ENNÞÁ. Hjá mér var viðbeinsliðurinn orðinn skemmdur, og hann var tekinn af. Heilsan er mjög fín líka ennþá hjá mér. Það þurfti að skera hjá Þórði, til að ná liðnum út, þannig að hann er með 4-5 cm. skurð. Hinsvegar hjá mér, þá voru bara gerð 3 göt. Liðurinn hjá mér var minni, þannig að hann komst í gegnum gat. Við ætlum að keyra heim á morgun. En það verður að vísu að koma í ljós hvað við þolum, og hvort við getum keyrt.

Nóg um þetta.

 

Molinn kveður.

 

 

Við lögðum af stað til Reykjavíkur, kl. 7, á mánudagsmorgun, 4. mars. Veðrið var alveg hræðilegt,  strax í upphafi ferðar. Við sáum mjög lítið nær alla leið. Við biðum í rúma tvo tíma í Varmahlíð, vegna þess að það var ófært. Það var svo opnað fyrir okkur, þannig að við gátum haldið áfram. Veðrið fór ekki að skána, fyrr en við vorum að verða komin í Borgarnes. Við vorum svo komin til Reykjavíkur um kl. 17. Við vorum 10 tíma á leiðinni. Við misstum af tímanum hjá lækninum, en hann reddaði því með því að gefa okkur tíma í gær. Hjá Þórði þarf að fræsa úr beini, fyrir sinina, og taka enda af viðbeininu. Viðbeinsliðurinn er orðinn skemmdur. Hjá mér þarf að taka enda af viðbeininu, því viðbeinsliðurinn er orðinn skemmdur. Við erum að fara í aðgerð núna á eftir.

Við fórum í heimsókn, til vinafólks okkar Leifs og Maríu, í gær. Þar var tekið vel á móti okkur, að vanda. 

Við hittumst öll saman, krakkarnir og co. og borðuðum hangikjöt saman, í gærkvöld. Það var ljúf stund.

En núna er það aðgerðin.

 

Molinn kveður.

 

 

Óli Gísla kom í morgun, og kláraði að klippa kindurnar. Þær koma bara nokkuð vel undan snoðinu. Myndir koma seinna.

Við fórum ekki suður í dag, en ætlum að leggja snemma af stað í fyrramálið. Vonandi komumst við á leiðarenda, vegna veðurs.

 

Molinn kveður.

 

 

Við sprautuðum gemlingana og lambhrútana, gegn lambablóðsótt. Við þurftum bara að sprauta þau, og svo sprautum við aftur fyrir sauðburð, og þá allann hópinn.

Við erum búin að vera í sveitinni í dag, og fram á kvöld. Þórður byrjaði að skipta krónum. Það er fínt þegar það verður búið.

 

Þórður að smíða uppistöðurnar fyrir grindurnar.

 

 

Búið að skipta þessari kró. Þetta kemur vel út. Þær eru mikið að spá í þetta. Þegar við vorum búin að gefa heyið, þá ætluðu þær að hlaupa á milli garðana, en þær gátu það ekki greyin. Þær verða nú fljótar að venjast þessu.

Við verðum í sveitinni á morgun. Óli ætlar að koma og klára að klippa snoðið.

Við erum svo að fara suður. Við erum ekki búin að ákveða hvort við förum á morgun, eða snemma á mánudagsmorgunn. Við ákveðum það á morgun.

 

Molinn kveður.