Góð sauðburðaraðstæða

29.04.2019 17:54

Keisari

Systkinin kúra saman. Nú er búið að taka stærra lambið og venja það undir aðra kind. Þessi litli stubbur nær að sjúga mömmu sína. Ég hélt að hann kæmist ekki á spena, því hann er svo lítill, en það er hinn mesti misskilningur

Það var snúið upp á legið á þessari og var sett í keisara. Lambið dautt fyrir nokkrum dögum og þessi litli moli settur undir hana. Hún tók hann strax að sér og hugsar vel um hann

Veðrið á laugardaginn var svo gott að það var hægt að prjóna úti. Það er búið að vera gott í marga daga. Alveg yndislegt að fá svona veður emoticon

Þeir vinirnir Alexander og Haukur Nói dunduðu sér lengi saman

Og meiri segja var tími fyrir sólbað emoticon

Þessir fuglar fara verulega mikið í taugarnar á mér. Máfar sem eru í stórum hópum hér á túnunum. Ef ég ætla að fljúga drónanum, þá flykkjast þeir að honum og ætla að gera árás á hann. Ég þori ekki að fljúga honum meðan þeir eru hér emoticon

Veðurstöðin á Möðruvöllum er biluð emoticon

Molinn kveður

Skrifað af Birgittu

28.04.2019 20:32

Nonni og Manni

12-080 Gola með þrjár gimbrar undan 17-371 Krissa

Þetta er Nonni litli, sem fæddist 11 dögum fyrir tímann. Hann er frekar lítill, en er óðum að hressast. Hann er farinn að leika sér

Hann er samt ekki lítill miðað við þennan litla sem fæddist í dag. Hann er nú bara smá sýnishorn. Hann er hress. Þetta eru Nonni og Manni

Hér sést stærðarmunurinn á þeim

Vinnumennirnir okkar um helgina

Lömbin eru farin að taka á sprett

Rúmlega 100 lömb emoticon

Molinn kveður

Skrifað af Birgittu

27.04.2019 20:02

Yndislegur dagur

Alltaf gaman þegar manni er komið á óvart. Haukur Nói og Guðrún Helga komu okkur á óvart og komu með pitsur handa okkur, í dag og að vísu líka í gær. Þá var það Einar Breki og Guðrún Helga. Oooohhhh svo gott að fá pitsur, sérstaklega á sauðburði

Helga Dís að hjálpa okkur við gjafir. Hér er hún að sópa garðann

Og Guðrún Helga tók líka í kústinn

Og líka Sólveig Björk. Allir að hjálpa til

Þórður að útbúa spil

Alltaf verið að borða. Það verður að vera þannig þegar mikið er að gera. Maður þarf orku emoticon

Já enn verið að borða. Veðrið var mjög gott í dag

Já haha verið að borða og skemmta sér

Þessir tveir eru góðir vinir. Það er æðislegt hvað þeir eru góðir saman

Fallegir strákar

Þeir léku sér úti í góða veðrinu, með dót

Alsæll

Og líka alsæll emoticon

Flottir vinir

Góð vinkona mín kom í heimslókn

Hún býr á næsta bæ við okkur. Helena Dejak

Þetta lamb kom í heiminn í gær. Það er mjög skrítið að hann skuli lifa, því í gær var 26. apríl og hann átti að fæðast 7. maí. Móðir hans var að láta. Hitt lambið var dautt. Það vantar 11 daga upp á fulla meðgöngu

Hann er það hress að hann er farinn að labba aðeins um

Þeir bræður smíðuðu svona flottan ramp, fyrir kindurnar sem fara þarna upp. Algjör snilld

Það eru komin 100 lömb á lífi emoticon

Molinn kveður

Skrifað af Birgittu

26.04.2019 21:22

Ærnar sem voru sæddar, byrjaðar að bera

Refaskálinn kominn í notkun. Við fórum með nokkrar í gær og svo nokkrar í dag, í skálann. Það fer nú vel um þær þar. Ágætt að rímka til í fjárhúsunum

Þau eru að komast á skemmtilegan aldur. Fara að hoppa og skoppa þegar mæðurnar éta

Nú fer að koma í ljós með ærnar sem voru sæddar, hvort þær hafa haldið. Við létum sæða 20, og við vitum um tvær sem gengu upp af þeim. Hvort þær eru fleiri kemur í ljós næstu daga. Það eru 7 ær bornar af þeim. Á þessari mynd er 16-260 Gála með gráan hrút og sv.flekkótta gimbur undan 15-992 Óðni. Þetta verður spennandi emoticon

83 lömb

Molinn kveður

Skrifað af Birgittu

25.04.2019 20:18

Gleðilegt sumar

Gleðilegt sumar og takk fyrir veturinn kæru síðuvinir

17-314 Sletta með tvær gimbrar undan 13-982 Móra

14-174 Snudda með stóra hrúta undan 18-559 Brodda

Lukka og önnur gimbrin hennar

Frændi og frænka kíktu í heimsókn í fjárhúsin

Þessar stúlkur sko, þær eru æðislegar emoticon

Helga Dís frænka mín (til hægri) og vinkona hennar Þórhildur Lilja (til vinstri), komu í heimsókn í fjárhúsin. Þær eru ekki smeikar við að taka á móti lömbunum. Þær hjálpuðu okkur mikið. Takk fyrir hjálpina flottu stúlkur emoticon

Hér eru þær að taka niður úr spenanum. Eins og þið sjáið, þá eru þær ekkert feimnar við það emoticon

Komin 65 lömb

Molinn kveður

Skrifað af Birgittu

24.04.2019 20:01

Já, já fjárhúslíf

14-175 Mánadís kom með þrjú í nótt. Þau eru undan 18-591

Vita

12-086 Panda með hrút undan 18-592 Enox

Brúða með sín lömb

Krútt

Svartur dindill

Afslöppun

Nú eru komin 40 lömb

Molinn kveður

Skrifað af Birgittu

23.04.2019 16:21

Fjárhúslíf

Dagsgamall og tekur strá emoticon

Það tókst að venja undir þessa. Hún á þetta flekkótta, hitt fékk hún að láni

11-211 Grúa með hrút og gimbur undan 17-586 Nóa

Hrúturinn

Gimbrin

Þessi gemlingur 18-387 Óla bar í gærkvöld, viku fyrir tímann. Hún kom með tvö. Annað kom afturábak og náðist ekki líf í það, en hitt lifði þangað til í morgun, mjög líflítið. Þegar leið á morguninn, bar ein þrílemba og eitt lambið hennar var sett undir Ólu. Hún tók því strax, fór að kara það og kumra á það. Aldeilis flott hjá henni greyinu. Málið leyst á góðan hátt, með tár í augum

Hér eru hin á móti. Bara ágætis þrílembingar

Molinn kveður

Skrifað af Birgittu

22.04.2019 19:43

30 lömb

Það eru komin 30 lömb emoticon

Molinn kveður

Skrifað af Birgittu

21.04.2019 20:23

Gleðilega páska

Þessir gullmolar búnir að finna eggin sín

15-230 Dudda með hrút og gimbur undan 18-592 Enox

Aðeins að kíkja

14-160 Della með hrút og gimbur undan 18-593 Hamri

15-195 Harpa með gimbrar undan 18-593 Hamri

13-116 Lukka með gimbrar undan 18-593 Hamri

Hún var geld í fyrra vor og kom svo með tvo hrúta í september

16-286 Dríla með tvo hrúta og eina gimbur undan 18-559 Brodda

Dríla að kara fyrsta lambið

Molinn kveður

Skrifað af Birgittu

20.04.2019 19:07

Það fjölgar í fjárhúsunum

Þrjár fyrstu sem báru

Flottar gimbrar hjá Össu

Og flottar gimbrar hjá Hörpu

Dudda var að bera áðan. Hér er hún að kara gimbrina

Þessir gullmolar fengu að sofa með mér í fjárhúsunum síðustu nótt emoticon

Molinn kveður

Skrifað af Birgittu

19.04.2019 18:30

Páskaeggjaleit

Fyrsta næturvaktin í fjárhúsunum. Þessir gullmolar fengu að sofa með mér á vaktinni. Það bar engin í nótt og dag, en kannski ber einhver í kvöld

Þessir flottu krakkar voru að fara að leita að páskaeggjum í garðinum

Verið að leita að eggjum

Búin að finna öll eggin

Þeir fengu að kíkja á málsháttinn og borða smá emoticon

Búið að smíða fyrir 10 kindur hér

Molinn kveður

Skrifað af Birgittu

18.04.2019 20:44

Vaktin byrjuð

Verið að spila í fjárhúsunum, meðan fullorðna fólkið var að vinna

Svo var líka verið að hoppa

Þegar komið var í fjárhúsin í morgun, voru komin tvö lömb. Dolla bar í nótt og enginn á vaktinni. Það hefur gengið vel hjá henni sem betur fer

Við strákarnir ætlum að sofa í fjárhúsunum í nótt. Vaktin byrjuð emoticon

Molinn kveður

Skrifað af Birgittu