Við drifum okkur niður á engi, snemma í morgun til að 

ganga frá endum og merkja rúllurnar. Við vorum ekki lengi

að því, enda var ég með flotta vinnumenn með mér. 48 rúllur

þar. Þórður keyrði þeim heim í dag. Ekki lengi að því enda

duglegur maður

Við gengum líka frá endum og merktum rúllurnar hér heima. 13 rúllur Þessi ömmu og afa gullmoli gisti hjá okkur í nótt, ásamt móður sinni. Þær eru að fara til Noregs, eftir að hafa búið í nokkra mánuði hér á Akureyri. Fallegur gullmoli  Þórður að keyra rúllunum heim af enginu   Hann þurfti þrjár ferðir Þegar hann var búinn að keyra heim af enginu, fór hann  strax í að keyra heim af stykki 8 Þarna tekur hann síðustu rúlluna Og keyrir hana heim. Nú eru töðugjöld hjá okkur   Duglegur maður þarna á ferð          Molinn kveður

Þórður snéri niður á engi. Það var svo mikið rok í dag, en

það var í lagi með heyið þar. Guðmundur á Þúfnavöllum 

kom og rúllaði fyrir okkur seinni partinn. Það voru 45 rúllur

á stykki 6 á enginu

Það var svo mikið rok að heyið á stykkinu fyrir neðan íbúðarhúsin (stykki 8) fauk í rokinu í dag. Ég sá bara hey-skafrenning yfir götuna hér fyrir neðan. Þegar búið var að rúlla niður á engi, þá var rúllað hér heima Heyið sem er búið að fjúka af túninu. Við fórum og rökuðum það og settum aftur yfir girðinguna og á túnið Ég er viss um að við höfum rakað hey, sem nemur heila rúllu, sem var í girðingunni og hinum megin við girðinguna sem hafði fokið Það voru 13 rúllur á stykki 8.  Þó það, því þvílíkt fauk af túninu Sólbökuð ský Guðmundur að rúlla Ég held að það séu töðugjöld hjá okkur. Mikið er ég fegin að það tókst að rúlla í dag    Við vorum komin með 243 rúllur og eftir daginn í dag eru komnar alls 301 rúllur   Þarna sést hvað var svakalega hvasst hér         Molinn kveður

Á þessum degi fyrir 39 árum eignaðist ég þessa fallegu og

góðu stúlku. Til hamingju með afmælið elsku Guðrún mín 

Þórður snéri á stykki 8, í dag. Við ákváðum að láta ekki rúlla á því í dag. Það verður hægt að ná af því á morgun. Betra að hafa það vel þurrt Svo var slegið niður á engi, stykki 6 Hrútur undan 20-518 Sælu og 23-720 Valver. Hann er með arfgerðina T137 20-506 Marey með lömbin sín undan 23-725 Dúdda. Þau eru öll með arfgerðina ARR 16-285 Brók með lömbin sín undan Pixa. Við bíðum eftir  arfgerðargreiningu úr þeim Gimbur, fjórlembingur undan 22-019 Krukku og 23-726 Pixa. Hún er með arfgerðina ARR Gimbur á móti og með arfgerðina ARR Og hrútur á móti, hlutlaus. Krukka gengur með þau þrjú Gimbur undan 17-346 Potu og 23-724 Arró. Hún varð  móðurlaus mánaðar gömul. Hún er með ARR Hrútur undan 23-053 Lúpínu 23-723 Ratipong. Hann er  arfhreinn T137         Molinn kveður

Ekki náðum við að láta rúlla í dag. Það fór bara að rigna.

Það á að vera þurrt á morgun 

Bara rigning Við fórum í stauravinnu í morgun     Kláruðum að festa annan staurinn 19-463 Linsa með hrút og gimbur undan 23-726 Pixa. Þau fæddust 19. júlí Hrúturinn kominn með flott horn Gimbrar undan 18-397 Dáfríð og Pixa. Þær fæddust 14. júlí         Molinn kveður

Slá meðfram veginum og raka kanntinn

Sólin farin að skína. Það var frost í nótt. Nú er allt rennblautt á og ekki hægt að snúa strax Þórður snéri samt fyrir hádegi. Nú er spurning hvort það  haldist þurrt, til að ná þessu á morgun Og þá eru það hliðstaurarnir Við kláruðum að festa þennan staur og þá á eftir að setja möl meðfram þeim og hliðið upp. Þá er það orðið klárt  Svo var garðað upp í kvöld. Nú er farið að spá rigningu á  morgun. Vonandi já vonandi næst þetta áður en fer að rigna         Molinn kveður

Við ætluðum að halda áfram í hliðavinnu í dag, en það stytti

upp og fór að skína. Þá ákvað Þórður að best væri að slá

blettinn fyrir neðan íbúðarhúsin (stykki 8)

Hann snéri líka. Vonandi náum við þessu áður en veðrið breytist og það fer að rigna Ég held að það eigi að vera þurrt út vikuna Það eru enn margir sveppir í garðinum okkar   Flottir sveppir Margir svona sveppir         Molinn kveður

Þegar styttir upp, þá er það stauravinna. Það er ekkert 

skemmtilegt að vinna við þetta í mígandi rigningu

Verið að stilla af hliðstaurinn Þessi hliðstaur tilbúinn til að hægt sé að setja möl meðfram honum Svo er það hinn staurinn við þetta hlið. Það verður unnið við það á morgun         Molinn kveður

Þessi ömmu og afa gullmoli á afmæli í dag. Hann er 7 ára og

var að byrja í öðrum bekk. Til hamingju með afmælið elsku

Leó minn 

Þá er nú verið að vígja litlu gröfina Stauraborinn settur á hana Að bora fyrir hliðstaur   Það er kuldagallaveður. Mígandi rigning og kalt Borinn að bora Munur að þurfa ekki að handmoka þetta         Molinn kveður

Það snjóaði í fjöll í nótt

Haustið kemur snemma í ár. Við erum þó heppin að það  hefur ekki rignt mikið hér Þessi mynd er tekin af tjaldstæðinu í Ólafsfirði. Það hefur verið mikil rigning þar, eða 53,3 ml á tólf tímum Sveppir í garðinum okkar Þessir eru furðulegir Þeir eru nokkrir svona         Molinn kveður

Veðrið sem á að vera á morgun. Mikil rigning

Og eldgos númer, ég veit það ekki. Kannski 6          Molinn kveður

Við tókum smá rúnt um sveitina í morgun og þá var þessi

þokulína

Og sólin að brjótast í gegn   Við fórum í skógargöngu og sáum mikið af sveppum. Ég  kann ekki heitið á þeim þannig að það koma bara myndir                             Það var líka mikið af berjum þar. Bláberjum   Reynitré         Molinn kveður

Við vorum að kaupa þessa litlu gröfu. Hún er lítil, en nægir í

það sem á að nota hana í. Það fylgdu henni borar, sem við

ætlum meðal annars að nota til að setja niður staura, þá

hlið staura. Þá verður vonandi auðveldara að ganga um

hliðin hér

Þetta er nú frekar krúttleg grafa. Hún er 1,8 tonn   Nú er þessi flotti strákur að byrja í VMA á morgun. Við fórum í skólann í dag, á kynningu um skólann og sjá hvar hann á að vera. Hann er mjög spenntur að byrja   Þessi er svo að byrja í Þelamerkurskóla á föstudaginn. Hann er líka spenntur að byrja         Molinn kveður

Mynd tekin 5. ágúst. Þrílembingur, hrútur undan

16-291 Rakel og 23-721 Fastusi. Hann var 47 kg. 

Arfgerð H154

Mynd tekin 5. ágúst. Gimbur á móti var 43 kg.  Arfgerð H154 Mynd tekin 20. júlí. Þriðja lambið, gimbur var 27 kg. Arfgerð T137. Rakel gengur með þau öll   Mynd tekin 17. júní. Þrílembingur, hrútur undan 20-508 Lundey og 23-721 Fastusi. Lömbin urðu móðurlaus mánaðar gömul og hafa bjargað sér vel. Þessi hrútur var 40 kg. Hann er með arfgerðina T137 Mynd tekin 17 júní. Hrútur á móti var 41 kg. Hann er með arfgerðina H154 Mynd tekin 8. júní. Gimbur á móti var 44 kg. Hún er með arfgerðina H154. Þau hafa heldur betur bjargað sér   Mynd tekin 9. ágúst. Þrílembingur, hrútur undan 18-408 Elínu og 23-721 Fastusi. Hann var 39 kg. Hann er með arfgerðina T137 Mynd tekin 9. ágúst. Hrútur á móti var 42 kg. Hann er með arfgerðina T137 Mynd tekin 9. ágúst. Gimbur á móti var 32 kg. Hún er með arfgerðina T137. Elín gengur með þau öll þrjú   Mynd tekin 5. ágúst. Tvílembingur undan gemling. Hrútur  undan 23-045 Anímóu og 23-726 Pixa. Hann var 40 kg. Hann er með arfgerðina H154 Mynd tekin 5. ágúst. Gimbur á móti var 37 kg. Við tókum sýni úr henni, því sýnið sem við tókum í vor varð ónýtt. Anímóa gengur með þau bæði   Mynd tekin 9. ágúst. Tvílembingur undan gemling. Hrútur undan 23-051 Skyssu og 23-726 Pixa. Hann var 36 kg. Hann er með arfgerðina N138 Mynd tekin 9. ágúst. Hrútur á móti. Hann var 30 kg. Hann  er með arfgerðina ARR og H154. Skyssa gengur með þá báða   Mynd tekin 11. ágúst. Tvílembingur undan gemling. Hrútur undan 23-053 Lúpínu og 23-723 Ratipong. Hann var 36 kg. Hann er arfhreinn T137 Mynd tekin 11. ágúst. Hrútur á móti var 29 kg. Hann er líka arfhreinn T137. Lúpína gengur með þá báða   Mynd tekin 6. ágúst. Tvílembingur undan gemling. Gimbur undan 23-049 Heklu og 23-726 Pixa. Hún var 38 kg. Hún er með arfgerðina N138 Mynd tekin 6. ágúst. Gimbrin á móti var 37 kg. Hún er með arfgerðina ARR og N138. Hekla gengur með þær báðar   Mynd tekin 6. ágúst. Hrútur undan 18-387 Ólu og 23-724 Arró. Tvílembingur sem varð móðurlaus eins og hálfs mánaða. Hann var 37 kg. Hann er hlutlaus með gulan fána Mynd tekin 6. ágúst. Hrútur á móti var 39 kg. Hann er með arfgerðina ARR. Þeir hafa bjargað sér vel móðurlausir   Mynd tekin 9. ágúst. 20-507 Logey með hrút og tvær gimbrar undan 23-724 Arró. Hrúturinn var 40 kg og með arfgerðina ARR. Önnur gimbrin var 38 kg og er hlutlaus með gulan fána Hin gimbrin var 37 kg og er með arfgerðina ARR. Logey gengur með þau öll   Mynd tekin 9. ágúst. 17-372 Petra með hrút og gimbur undan 23-724 Arró. Hrúturinn var 41 kg. og hlutlaus með gulan fána. Gimbrin 32 kg. og er með arfgerðina ARR. Hún gengur með þau bæði         Molinn kveður