Við fórum í þetta verkefni í morgun, að setja niður gólfið

í syðsta húsinu

Komin langt á veg Og búin að setja gólfið niður Og búin að setja hurðina í. Svakalega gott að þetta verkefni er búið. Nú förum við að dunda okkur í fjárhúsunum Ég er búin að gera Ljúf gæfan. Hann elskar klapp Drangi         Molinn kveður

Flottur himinn í morgun

Við fórum á Sauðárkrók í morgun til að ná í kjöt. Það var  sumarfæri og gott veður   Það er búið að vera rok, hér á Möðruvöllum, í nærri tvo sólahringa. Það má nú alveg fara að lægja          Molinn kveður

Þá er það þriðja og síðasta húsið sem fær skítmokstur. Við 

tókum upp gólfið í syðsta húsinu í dag. Mikið verður nú gott

þegar þetta verður búið

Tilbúið fyrir mokstur Vel gert. Simmi ekki lengi að þessu   Gólfið verður sett niður á fimmtudaginn         Molinn kveður

Fallegt seinni partinn í dag

Staðarhnjúkur Tekið út um stofugluggann Nágrannar okkar að fljúga yfir 18-408 Elín átti tvo hrúta og þeir vigtuðu 54 kg. hvor. Fallþunginn var 26,6 og 26,3 og fóru báðir í U 3 Já hún skilaði 52,9 kg. af kjöti         Molinn kveður

Við settum gólfið niður, í hlöðunni. Þá er það klárt fyrir

hrútana, smálömbin og mæðurnar með haustlömbin

Við settum milliskilrúmið upp í nyrsta húsinu. Veturgömlu  ærnar og gimbrarnar verða í nyrstu krónni. Nú förum við að  flokka þessa hopa. Kannski bara á morgun 22-719 Sjató forystuhrútur         Molinn kveður

Ærnar hafa það gott úti. Þær eru mikið á þessum hól

20-522 Glósa

Gimbrarnar hennar. Þær eru fimmlembingar. Þær verða settar á         Molinn kveður

Þessi fallegi gullmoli er 9 mánaða í dag. Vá hvað tíminn

flýgur áfram. Elsku krútt 

Bleikur dagur í skólanum í dag Við settum gólfið niður, í nyrsta húsinu, í morgun Þá er það klárt. Nú er bara syðsta húsið eftir í skítmokstri Skíturinn kominn á túnið Tekin í dag         Molinn kveður

Við tókum upp gólfið í nyrsta húsinu, í morgun

Nyrsta húsið Búið að moka út. Við setjum niður gólfið á morgun Ágúst og Ágústa. Við erum með lömbin, hrútana og  veturgömlu ærnar inni. Þau fara ekki meira út. Lambærnar sem eru með litlu lömbin eru líka inni         Molinn kveður

Við tókum upp gólfið, í hlöðunni og mokuðum út 

Það var orðið fullt. Við verðum kannski með hrútana og  litlu lömbin þarna í vetur Þetta gekk fljótt og vel Mokað með liðléttingnum upp í dráttarvélarskófluna og þaðan i skítadreifarann 21-009 Valía og lömbin hennar. Valía ber arfgerðina T137  Nú er spurning hvort lömbin hennar beri þetta líka         Molinn kveður

Flottur himinn í morgun

Við settum ærnar út í morgun. Allar nema ærnar með litlu lömbin og veturgömlu ærnar. Lömbin eru inni og fara ekkert meira út   227 lömbum, sem fóru í gær, var slátrað í dag (11. október) Meðal fallþungi var 18,63 Gerðin 10,46 Fitan 7,69   Alls eru þetta 391 lömb Meðal fallþungi haustsins er 19,4 Gerðin 10,85 Fitan 7,73   Við urðum fyrir tjóni á girðingunum. Þær fuku um koll í  óveðrinu á sunnudaginn   Tunnan sem var full af steinum fór á hliðina. Þvílíka veðrið sem var hér Þessi girðing fór alveg á hliðina Og þessi   Það verður eitthvað að gera í girðingarvinnu næsta vor Flug í dag. Allt hvítt   Drónakonan með snillinginn sinn (drónann)         Molinn kveður

Logn og flott veður, eftir brjálaða veðrið í gær

Komin smá snjóskán Við sendum restina af lömbunum, á sláturhús í dag. Þeim verður lógað á morgun Við ákváðum að hafa kindurnar inni aðra nótt. Við verðum að fara og skoða girðingarnar, því eitthvað af þeim lagðist niður (brotnuðu staurar) í óveðrinu í gær         Molinn kveður

Veðrið er ekki gott í dag. Það byrjaði að hvessa í morgun. 

Við settum ærnar inn, því ekki er gott fyrir þær að vera úti í

þessum rudda. Lömbin eru líka inni, síðan í gær

Músin hefur fundið þetta óveður á sér. Gatið snýr í austur og veðuráttin er að norðvestan og meira að vestan. Það blæs  ekki inn í holuna hennar

Hrútur undan 19-469 Litlu - Æðey og 20-605 Bæron 18-416 Aníka Hrútur undan 18-410 Túlu og 19-597 Ótta 21-009 Valía Hrútur undan Valíu og 21-706 Hnikari 21-005 Demelsa Hrútur undan 14-168 Kráku og 21-703 Jalla   Vonandi getum við sett kindurnar út á morgun         Molinn kveður

Við vigtuðum öll lömbin í dag.

Nú er komið betur í ljós hvað vantar af fjalli.

Tvær ær með sitthvort lambið og 7 stök lömb = 11 stk.

Svo vantar að sjálfsögðu þessa sem var á fjalli síðasta vetur.

Hún er með tvö lömb

Það á að vera brjálað veður á morgun. Við erum með  öll lömbin inni. Svo eru ærnar í fjárhúshólfinu sem við setjum inn í fyrramálið. Við ætlum að hafa féð inni  meðan veðrið gengur yfir         Molinn kveður

Í morgun

Þessi litla gimbur fæddist í vor Hún er fimmlembingur og svona pínu lítil Það hefur nú aðeins tognað úr henni. Gorma litla fær líf   Við fengum eina ær í dag. Hún var bara með annað lambið. Hitt lambið kom ekki    Við förum yfir ærnar á morgun og vigtum öll lömbin         Molinn kveður

19-474 Þeba. Hún er með hrút og gimbur sem bæði eru

hvít. Við fengum þær fréttir áðan, að líklegast er hún komin

til byggða. Það kemur í ljós á morgun

21-758 Díana. Hún er með flekkótta gimbur. Það hefur ekkert sést til hennar í haust 21-758 Panna. Hún er með flekkótta gimbur. Það hefur ekkert sést til hennar. Þær eru líklegast einhversstaðar saman   19-489 Blanda. Hún skilaði sér ekki af fjalli í fyrra. Þá var hún með eina gimbur með sér, en hin gimbrin náðist um haustið. Nú er gimbrin sem hún var með á fjalli síðasta vetur komin  heim. Hún kom meirisegja með hrút með sér sem var 45 kg. Blanda sást núna í haust (fyrir göngur), þá með tvö lömb með sér. Það hefur ekkert sést til hennar eftir það. Hún felur sig einhversstaðar. Hún ætlar sér líklegast að vera annan vetur á fjalli og þá með tvö lömb með sér 16-288 Jóney. Lömbin hennar eru komin en ekki hún. Hún er líklegast dauð, því lömbin voru frekar létt. Hún hefur verið að skila mjög góðum lömbum af fjalli, en ekki núna   Svo vantar enn 11 stök lömb. Það kemur í ljós á morgun  hvort eitthvað af þeim hafi komið til byggða í dag         Molinn kveður