Nú eru allir komnir heim og við orðin fullmönnuð aftur. Allir

glaðir eftir fríið

Þáma með lömbin sín Og Fnjósk með lömbin sín Þessi gemlingur bar í dag, 24-069 Hátíð átti gimbur undan 24-737 Þyt. Svakalega stór og falleg gimbur   Hún hefði mátt vera með lit 11    Það eru komin 5 lömb       Molinn kveður

Ég flutti upp í fjárhús í gærkvöld. Ég er byrjuð að vakta

ærnar á hálftíma, til tveggja tíma fresti. Bara vakna,

fara fram og athuga hvort einhver er að bera. Ef ekkert

er í gangi, þá er óhætt að sofa í tvo tíma. Ef eitthvað er

í gangi, þá sef ég í hálftíma og fer svo fram

Þetta snilldar tæki, gaf pabbi mér. Þetta var innkaupakerra, eða taska á hjólum. Við tókum töskuna af og settum þennan kassa í staðinn. Ég prufaði þetta í nótt og þetta svínvirkar Ég læt lambið/lömbin í kassann og hjóla þeim þar sem þau eiga að vera. Ærin eltir og maður þarf ekki að farast í bakinu til að beygja sig með lömbin til að láta hana elta Þessi bar í nótt. 20-496 Fnjósk átti hrút og gimbur undan 24-737 Þyt  Og þessi bar í morgun. 23-030 Þáma átti hrút og gimbur undan 24-735 Fenox   En kæru síðuvinir, gleðilega páska Þessi fékk páskaegg nr. 6 Og þessi líka. Báðir mjög ánægðir Hér var hin árlega páskaeggjaleit í garðinum okkar og þessi tóku þátt í leitinni     Verið að leita að eggjum       Það voru 5 egg á mann og allir fundu sín egg             Skemmtilegur dagur, páskalömb og páskaegg         Molinn kveður

Enn er það undirbúningur fyrir sauðburð. Við erum búin að

taka til hérna uppi í hlöðunni og hér er hægt að vera með

15 lambær í einstaklingsstíum

Og hér verða 10 lambær í einstaklingsstíum Já og hérna 4-5 lambær saman Við erum búin að græja allt í hlöðunni   Það er engin borin ennþá, en það hlýtur að vera að einhverjar beri á morgun         Molinn kveður

Fyrsti í kaffi í fjárhúsunum. Bara tveir stubbar hjá okkur

Engin lömb komin ennþá, en það verður stutt í að fyrstu lömbin mæta Vatnið komið á og þá er þetta klárt fyrir 10 lambær Og vatnið komið á og þarna getum við haft 4-5 læmbær saman, til að venja þær við         Molinn kveður

Við vorum að vinna í undirbúningi í dag, í fjárhúsunum, fyrir

sauðburð

Einstaklingsstíurnar að verða klárar     Svo er hægt að hafa þarna nokkrar kindur saman í stíu. Við  eigum eftir að klára að ganga frá þessu. Við verðum í fjárhúsunum á morgun og vonandi klárum við undirbúninginn því við eigum von á að það komi lömb á laugardag eða sunnudag         Molinn kveður

Við erum loksins búin að setja upp myndavélar í fjárhúsin.

Hér til hægri eru gemlingarnir

Það verður betra að hafa vélar til að fylgjast með þeim Við erum að undirbúa merkin í lömbin. Við klippum af  fullorðinsmerkjunum til að létta þau fyrir lömbin. Svo skrifum við á þau. Við erum bæði með þessi merki og svo litlu merkin         Molinn kveður

Við fórum í sund á Hrafnagil í dag. Auðvitað var ís á eftir.

Einn fór í gær og ein fór í dag. Einn fer á morgun og einn fer 

á fimmtudaginn. Þá verða eftir tveir hjá okkur þar til á mánudag.

Og 21. koma þrír aftur til okkar og þá verðum við full mönnuð

Nú eru 4-6 dagar í fyrstu lömbin 

Molinn kveður

Vinnufólkið okkar í morgun 

Frændsystkin. Og ömmu og afa gullmolar   Smá útivera í dag. Það voru gerðir svakalega stórir snjóboltar             Hér eru mjög margir Skógarþrestir og Starar. Við erum dugleg að gefa þeim       Merkti Starinn okkar         Molinn kveður

Við færðum afrúllarann og settum gólfið fyrir

einstaklingsstíurnar inn

Garðarnir komnir niður á gólf   Afrúllarinn kominn á sinn stað Þórður keyrði á móti einum ömmu og afa gullmola, í morgun. Hann fór í Staðarskála. Hann ætlar að gista hjá afa og ömmu í nokkra daga Allt autt í morgun, en nú er kominn snjór. Margir þrestir og Starar í garðinum okkar       Molinn kveður

Við vorum að dunda okkur í fjárhúsunum í allan dag.

Krakkarnir dunduðu sér í leik. Þessir voru að drullumalla

Og þessi voru að leika sér með segla Nafna mín, elsku ömmugullmoli kom til okkar í dag og ætlar að gista kannski í þrjár nætur Svakalega gott veður í dag. Við drukkum úti Matarborðið er kannski ekki glæsilegt, en á misjöfnu þrífast börnin best   Þegar maður borðar kleinuhring með glassúr á, já eða borðar bara glassúrinn, þá er gott að geta bara labbað inn í fjárhús og gefið kindunum kleinuhringinn Litfríð tók vel á móti kleinuhringnum         Molinn kveður

Þessir snagar voru pantaðir á Temu. Flottir fyrir lykla

Flottir snagar. Við erum búin að setja þá upp á vegg Og fuglahúsin sem pöntuð voru á Temu eru komin upp. Ég hef trú á því að Maríuerla verpi í þau. Vonandi gerir hún það         Molinn kveður

Sauðburður er alveg að skella á. 10-12 dagar. Við ætlum að

vinna í fjárhúsunum um helgina og aðeins að undirbúa fyrir

sauðburð. Setja upp einstaklingsstíur og dunda eitthvað

Molinn kveður

Veðrið í dag var mjög gott, eða bara sumarveður

Þórður tók á það ráð að fara með vélina á nýræktina, til að fæla frá gæsir sem gerðu sig heimakomnar og voru farnar að bíta grasið Hann fór líka með fjórhjólið og viti menn, þetta virkar. Það eru engar gæsir á nýræktinni, en fjöldi af þeim á næsta túni   Trampólínið notað í dag í þessu góða veðri   Kaffitíminn hafður úti   Algjört stuttbuxnaveður í dag         Molinn kveður

Ingi að græja umfelgun á bílnum sínum. Hann er kominn 

með umfelgunarvél og ballanseringarvél. Nú þarf maður

ekki að fara á dekkjaverkstæði til að umfelga

Við keyptum trampólín í dag og það var sett upp       Og svo var hoppað í smá tíma. Það verður hoppað meira á morgun Um að gera að nota góða veðrið fyrir góða útiveru         Molinn kveður