Við tókum sýni úr ásetningslömbunum. Við tökum svo sýni

úr ánum þegar þær eru komnar á hús

Stararnir komu í garðinn í dag. Þeir voru eitthvað um 20 saman Þetta er fallegur fugl         Molinn kveður

Yfirlitsflug í dag og þessar ekki langt frá hvor annari. Þær eru

flottar saman. Þær fá að vera saman í kró í vetur

Nokkrar á hólnum Fallegt veður dag eftir dag Það sést vel inn í Staðarskarðið         Molinn kveður

Kindurnar eru enn úti. Við fórum með brauð til þeirra og 

þær þáðu það með þökkum

Búbba með brauðsneið               Þær verða úti eitthvað lengur Gemlingarnir okkar    Ásetningur ´22-´23   Árgangur ´13 -   1 ær Árgangur ´15 - 10 ær Árgangur ´16 - 14 ær Árgangur ´17 - 25 ær Árgangur ´18 - 30 ær Árgangur ´19 - 19 ær Árgangur ´20 - 24 ær Árgangur ´21 -  8 ær Árgangur ´22 - 17 gemlingar Hrútar             11 Sauðir               6 Smálömb         7 Samtals       172 hausar í vetur   Það eru nokkrar ær, sem hefðu átt að fara í sláturhús, en björguðu sér með því að koma með lamb/lömb í  sumar/haust Við ætlum svo að sjá til með gemlingana hvort við  hleypum til þeirra allra eða sleppum nokkrum         Molinn kveður

Við settum upp skilrúm í syðsta húsinu. Við vorum að hugsa

um að sleppa því að setja það upp, en ákváðum að það væri

betra að hafa það

Við tókum til úti, við fjárhúsin, íbúðarhúsið og refaskálann,

í gær. Við fórum með fulla kerru af rusli, í morgun, í Terra

Akureyri. Gott að hreinsa svona til áður en snjórinn kemur

Ég flaug drónanum yfir kindurnar. Það var alveg merkilegt að sjá þessar tvær vera saman, eða þannig. Þær eru alltaf saman þessar flottu systur Staðarhnjúkur og Staðarskarð Hörgáin   Möðruvellir 3, 4 og 5         Molinn kveður

Fallegt veður bæði á morgnana og kvöldin. Þessi er tekin í

morgun

Og þessi seinni partinn Tunglið í dag. Ég held að ég hafi aldrei séð það svona lítið Stari, vinur okkar         Molinn kveður

Við settum fullorðinsmerkin í öll lömbin, í dag. Gorma

Haddý Ágústa og litlu lömbin fengu líka merki Tekið úr fjallshólfinu Kindurnar á beit í kálinu   Þær nota þennan hól mikið Elíza og samrýmdu systurnar, Læpa og Læna. Þær eru alltaf saman         Molinn kveður

Já, há, það hvellsprakk á bílnum. Það er nú ekki oft sem dekk

springur nú til dags. (Skeði oft í gamla daga) Ég var á bílnum, 

náði ekki að losa varadekkið (það er undir bílnum). Það var

fast og ekki hægt að losa það. Enginn tjakkur og lykill í bílnum.

Eða ég veit ekki hvar það er. Leitaði mikið. Ég hringdi í vin (Þórð)

og hann kom með tjakk og lykil. Við tókum dekkið undan og 

fórum með það á verkstæði, ásamt einu nagladekki. 

Nagladekkið var sett á felguna og núna er bíllinn á þremur

sumardekkjum og einu vetrardekki. Næsta skref, hvernig 

losar maður varadekkið og hvar er tjakkurinn og felgulykillinn

í bílnum. Við verðum að komast að því 

Jæja þessi snjósleði er okkar. Við erum að kaupa hann. Það  verður gaman að draga strákana á skíðum/bretti í vetur Geggjað verður að eiga sleða          Molinn kveður

Við fórum í þetta verkefni í morgun, að setja niður gólfið

í syðsta húsinu

Komin langt á veg Og búin að setja gólfið niður Og búin að setja hurðina í. Svakalega gott að þetta verkefni er búið. Nú förum við að dunda okkur í fjárhúsunum Ég er búin að gera Ljúf gæfan. Hann elskar klapp Drangi         Molinn kveður

Flottur himinn í morgun

Við fórum á Sauðárkrók í morgun til að ná í kjöt. Það var  sumarfæri og gott veður   Það er búið að vera rok, hér á Möðruvöllum, í nærri tvo sólahringa. Það má nú alveg fara að lægja          Molinn kveður

Þá er það þriðja og síðasta húsið sem fær skítmokstur. Við 

tókum upp gólfið í syðsta húsinu í dag. Mikið verður nú gott

þegar þetta verður búið

Tilbúið fyrir mokstur Vel gert. Simmi ekki lengi að þessu   Gólfið verður sett niður á fimmtudaginn         Molinn kveður

Fallegt seinni partinn í dag

Staðarhnjúkur Tekið út um stofugluggann Nágrannar okkar að fljúga yfir 18-408 Elín átti tvo hrúta og þeir vigtuðu 54 kg. hvor. Fallþunginn var 26,6 og 26,3 og fóru báðir í U 3 Já hún skilaði 52,9 kg. af kjöti         Molinn kveður

Við settum gólfið niður, í hlöðunni. Þá er það klárt fyrir

hrútana, smálömbin og mæðurnar með haustlömbin

Við settum milliskilrúmið upp í nyrsta húsinu. Veturgömlu  ærnar og gimbrarnar verða í nyrstu krónni. Nú förum við að  flokka þessa hopa. Kannski bara á morgun 22-719 Sjató forystuhrútur         Molinn kveður

Ærnar hafa það gott úti. Þær eru mikið á þessum hól

20-522 Glósa

Gimbrarnar hennar. Þær eru fimmlembingar. Þær verða settar á         Molinn kveður

Þessi fallegi gullmoli er 9 mánaða í dag. Vá hvað tíminn

flýgur áfram. Elsku krútt 

Bleikur dagur í skólanum í dag Við settum gólfið niður, í nyrsta húsinu, í morgun Þá er það klárt. Nú er bara syðsta húsið eftir í skítmokstri Skíturinn kominn á túnið Tekin í dag         Molinn kveður

Við tókum upp gólfið í nyrsta húsinu, í morgun

Nyrsta húsið Búið að moka út. Við setjum niður gólfið á morgun Ágúst og Ágústa. Við erum með lömbin, hrútana og  veturgömlu ærnar inni. Þau fara ekki meira út. Lambærnar sem eru með litlu lömbin eru líka inni         Molinn kveður