Slysin gera ekki boð á undan sér. Elsku Þórður slasaðist í 

gærkvöld. Það er að ganga ælupest og hann fékk þá pesti

í gær. Hann fór fram á baðherbergi, en þá leið hann útaf

og datt svona svakalega. Hann var fluttur með sjúkrabíl

á sjúkrahúsið og þar kom í ljós að hann er hálsbrotinn.

Brotið er gott, ef það er hægt að segja að brot sé gott.

Þá þannig að það hreyfist ekkert og það hefur ekkert flísast

úr því. Hann er með kraga sem hann þarf að vera með í 6

vikur og hann þarf að TAKA ÞVÍ RÓLEGA. Ég veit nú ekki alveg

hvernig það gengur en það verður að ganga. Hann var settur

í allskonar rannsóknir og allt kom vel út úr þeim. Hann fékk

að koma heim í dag og líðan hans er alveg ágæt, samt svimi og

ógleði ennþá. Hann fær verkjalyf og ég fylgist vel með honum.

Þetta hefði svo sannarlega geta farið verr.

En hann var heppinn í óheppninni 

Hann fékk ágætis kúlu á ennið og sár á gagnaugað/kinnina Þetta er búinn að vera svakalegur dagur. Gott að ekki fór verr Litli stubburinn okkar er kominn með gleraugu. Hann fékk þau í dag. 3 á vinstra og 1,25 á hægra. Flottur elsku gullið         Molinn kveður

Þessi er tekin í morgun. Það eru komin svell um allt. Algjör óþarfi Tunglið í kvöld Skjáskot úr myndavélinni í fjárhúsunum í kvöld. Ég gaf þeim aðeins brauð. Elíza kemur alltaf til mín til að fá brauð         Molinn kveður

Fallegt veður uppúr hádegi í dag. Sólin er farin að hita. Það munar mikið um hanaS Auðnutittlingur að fá sér að borða Auðnutittlingur Tunglið í dag         Molinn kveður

Starinn kom í heimsókn í dag, en þáði ekki neitt að borða Hékk bara upp í tré Ég fór í Lystigarðinn í dag og sá Silkitoppu Og auðvitað þurftu þær að hanga langt upp í trjánum Ég hefði viljað hafa þær neðar til að ná betri myndum Gráþröstur var þarna líka   Gráþröstur Þessi hjálpaði okkur í fjárhúsunum í morgun og fór svo út að leika sér í snjónum Þessi flaug hér yfir í sveitinni í dag Tunglið í dag         Molinn kveður

Ég fór í Lystigarðinn í dag og náði þessum myndum af Silkitoppu. Þær voru mjög hátt upp í tré. Ég hefði viljað að  þær hefðu verið neðar, til að ná betri myndum af þeim   Við erum með einn vinnumann um helgina og hann var duglegur að hjálpa okkur Geldu ærnar og Pixi. Fjórar eru búnar að ganga og nú er  spurning hvort þær halda. Það kemur í ljós í sumar Gróðurinn er enn loðinn eftir frostþokuna í gær. Þetta er í Lystigarðinum í dag         Molinn kveður

Skrítið veðurfar í dag, þoka og frost     Þoku frosin strá Og þoku frosin tré         Molinn kveður

23-720 Valver er með arfgerðina T137 Við eigum von á 31 lömbum undan honum   23-721 Fastus er með arfgerðina T137 og H154 Við eigum von á 53 lömbum undan honum   23-722 Brútus er með arfgerðina T137 Við eigum von á 31 lambi undan honum   23-723 Ratipong er með arfgerðina T137 Við eigum von á 17 lömbum undan honum. Hann var hjá gemlingum og tveim fullorðnum   23-724 Arró er með arfgerðina R171 Við eigum von á 69 lömbum undan honum   23-725 Dúddi er með arfgerðina R171 Við eigum von á 28 lömbum undan honum   23-726 Pixi er með arfgerðina R171 Við eigum von á 24 lömbum undan honum. Hann var hjá gemlingum og fjórum fullorðnum   23-727 Maxímus er með arfgerðina N138 Við eigum von á 2 forystulömbum undan honum         Molinn kveður

Við flokkuðum ærnar í morgun. Hér eru þrílemburnar og ein fjórlemba Tvílembur og einlembur Gemlingarnir Geldu ærnar settum við hjá hrút. Svo eru hrútarnir þarna innan við

 

Það var talið í 106 fullorðnum ám og 20 gemlingum

 

Fullorðnu ærnar

7 eru geldar

7 með 1

55 með 2, ein er með tvö dauð fóstur

40 með 3

1 með 4

 

Gemlingar eru 20

1 er geldur

12 með 1

7 með 2

 

 

Gemlingar (árgangur ´23) eru 20  

1 geld 

12 með 1, fóstrin drepast í tveim gemlingum  

7 með 2

samtals 26 fóstur, eða þá 24 fóstur

1,3 lömb á gemling

 

Tveggjavetra (árgangur ´22) eru 15

1 geld

2 með 1  

8 með 2 

3 með 3

1 með 4 

samtals 31 fóstur

2,07 lömb á kind

 

Þriggjavetra (árgangur ´21) eru 6 

2 með 2 

4 með 3 

samtals 16 fóstur

2,67 lömb á kind

 

Fjögravetra (árgangur ´20) eru 20

1 geld 

1 með 1 

7 með 2, fóstrin drepast í einni 

11 með 3 

samtals 48 fóstur

2,4 lömb á kind

 

Fimmvetra (árgangur ´19) eru 15

2 geldar 

1 með 1 

8 með 2 

4 með 3 

samtals 29 fóstur

1,93 lömb á kind

 

Sexvetra (árgangur ´18) eru 21

2 geldar 

9 með 2 

10 með 3

samtals 48 fóstur

2,29 lömb á kind

 

Sjövetra (árgangur ´17) eru 18

2 með 1 

11 með 2 

5 með 3 

samtals 39 fóstur

2,17 lömb á kind

 

Áttavetra (árgangur ´16) eru 9

1 geld 

1 með 1

5 með 2 

2 með 3

samtals 17 fóstur

1,89 lömb á kind

 

Níuvetra (árgangur ´15) eru 2

1 með 2

1 með 3

samtals 5 fóstur

2,5 lömb á kind

 

 

Fullorðnar ær 2,20 lömb

Gemlingar 1,3 lömb

Þetta gerir þá 2,06 í heildina

Geldar ær eru með í þessum meðaltölum

 

Alls eru þetta 259 talin fóstur, en þau verða 255,

því það drepast 4 fóstur

 

 

 

Öskudagsgleði í skólanum í gær. Nú eru þeir komnir í frí þangað til 21. febrúar. Vika í fríi Við fórum í fjallið í dag. Tveir á skíði og einn á bretti   Það voru mjög fáir í fjallinu. Strákarnir komust margar ferðir án þess að þurfa að bíða í röð         Molinn kveður

 

 

Gunnar kom og taldi fóstrin í kindunum     Eldri ær 91   0  -  6 ær 1  -  5 ær 2  -  43 ær 3  -  37 ær 202  fóstur Fj. pr. á  2,22   Tveggja vetra ær 15 0  -  1 ær 1  -  2 ær 2  -  8 ær 3  -  3 ær 4  -  1 ær 31 fóstur Fj. pr. á  2,07   Gemlingar 20 0  -  1 1  -  12 2  -  7 26 fóstur Fj. pr. gemling 1,30   4 fóstur drepast og alls eru þetta þá 255 fóstur   Leiðinlegt hvað margar eru geldar. En við erum ánægð með annað. Ég læt meiri upplýsingar inn á morgun         Molinn kveður

Á morgun verður fósturtalið hjá okkur. Það verður spennandi að sjá hvernig það kemur út. Ég hef grun um að eitthvað af gemlingunum já og líklegast tvær fullorðnar séu lamblausar. Ein fullorðin lét fyrir nokkrum dögum og svo er önnur frekar létt á sér og leikur sér. Það á líka við um gemlingana. Það eru einhverjar sem leika sér og eru léttar á sér. En þetta kemur í ljós á morgun         Molinn kveður

Ég fór með tvo í fjallið í dag, meðan einn fór á körfuboltaæfingu. Það var mikil snjókoma í byrjun, en svo var bara fínt veður  Það voru ekki margir í fjallinu    Þeir voru ánægðir með daginn   Það styttist í fósturtalningu, en hún verður 14. eða 15. febrúar         Molinn kveður

Við fórum í fjallið í dag. Allir þrír, einn á bretti og tveir á skíði   Alexander Damian Bubbi   Gott veður í fjallinu Það voru margir í fjallinu og smá biðröð   Meirisegja biðröð í töfrateppinu Frábær dagur í fjallinu         Molinn kveður

Damian er búinn að standa sig vel á Skákþingi Akureyrar

sem lauk í gær. Damian lenti í 7. sæti.

Þetta kom á síðunni Skákfélags Akureyrar.

 

Damian einbeittur að tefla   Við fórum í fjallið í dag. Einn á skíði, einn á bretti og einn var á skákæfingu á meðan. Þetta er alveg geggjað, að fara í fjallið     Ég hitti þessar í fjallinu, Stefaníu og Andreu. Gaman að hitta þær   Hún er svo dugleg á skíðum           Molinn kveður

Ég fór í fjallið í dag með alla strákana. Tveir fóru á skíði og

einn á bretti. Það var hlýrra núna en í gær. Mér var allavega

ekki kalt núna. Ég hitti lyftuvininn minn. Hann heilsaði mér

og þegar ég fór kvaddi hann mig og gaf mér fimmu 

Strákarnir voru tvo tíma á skíðum/bretti og stóðu sig vel  

Smá pása til að fá sér næringu   Góður dagur í fjallinu í dag         Molinn kveður

Ég fór með tvo í fjallið á meðan einn var á körfuboltaæfingu.

Þetta er fyrsti dagur í fjallinu þetta árið. Það var eins og þeir

hefðu verið á skíðum í gær, þeir höfðu engu gleymt.

 

Þegar ég var komin á minn stað, þar sem ég er á meðan þeir

eru á skíðum, þá kom lyftuvörðurinn og heilsaði mér með 

handabandi og sagði gaman að sjá þig, ég hef saknað þín. 

Ég spurði hann hvort hann þekkti mig og hann játti því og 

sagði þú ert búin að vera með nokkur börn hér í fjallinu, í

nokkur ár og vera til staðar fyrir þau. Ég þakkaði honum fyrir

og sagði gaman að sjá þig. Þetta var ekki Íslendingur 

Það var frekar kalt Töfrateppið er orðið svo flott. Yfirbyggt og með ljósum sem skipta um lit Það er gott að fara í fjárhúsin, á vinnubílnum, þegar veðrið er svona. Lokað hús á bílnum.  Þessa mynd tók ég í morgun   Flottur og góður bíll         Molinn kveður